"იუვენტუსი" დე შილიოს შეუთანხმდა
იტალიაში ერთ-ერთი ყველაზე ხმაურიანი სატრანსფერო საგა დასასრულს უახლოვდება.
"მილანის" ვიცე-კაპიტანი, მატია დე შილიო, ტურინის "იუვენტუსში" გადადის.
გამოცემა Premium Sport-ის ინფორმაციით, ტურინელებმა ფეხბურთელთან კონტრაქტის დეტალებზე მოილაპარაკეს და ტრანსფერს წერტილი რამდენიმე დღეში დაესმება.
დე შილიოს "როსონერის" დატოვება თავადაც სურდა, რადგან მას კლუბის ფანებთან დაძაბული ურთიერთობა ჩამოუყალიბდა და ერთ-ერთი საშინაო მატჩისას შეურაცჰყოფაც მიაყენეს.
24 წლის ფეხბურთელმა მიმდინარე სეზონში ტრავმის გამო ბევრი გამოტოვა და ყველა ტურნირზე ჯამში 27 შეხვედრა ითამაშა.
