ტილემანსი "მონაკოში" გადადის
ბრიუსელის "ანდერლეხტის" ახალგაზრდა ნახევარმცველი, იური ტილემანსი, კარიერას საფრანგეთის ჩემპიონ "მონაკოში" გააგრძელებს.
აღნიშნულ ტრანსფერს ბელგიურ კლუბში ადასტურებენ. "ანდერლეხტის" სპორტული დირექტორის კომენტარი ასეთია:
"მისი "მონაკოში" ტრანსფერი ჯერ ბეჭედდასმული არაა, თუმცა შეთანხმება მიღწეულია და მოსაგვარებელი მხოლოდ ფორმალობებია.
სავარაუდოდ, იური ფრანგულ კლუბში კვირის ბოლომდე ჩაირიცხება". - თქვა ჰერმან ვან ჰოლსბეკმა.
იური ტილემანსი 20 წლისაა და არაერთი ევროპული გრანდის სამიზნე გახლდათ.
იგი "ანდერლეხტის" კაპიტანია და გასულ წელს დებიუტი ბელგიის ნაკრებშიც ჰქონდა.
