Calciomercato: კესიე "მილანში" გადასვლას დათანხმდა!
ბერგამოს "ატალანტას" 20 წლის კოტ დ'ივუარელი ნახევარმცველი, ფრანკ კესიე, "მილანში" გადასვლას დათანხმდა.
როგორც Calciomercato-მ დაწერა, ფეხბურთელთან "მილანმა" სიტყვიერ შეთანხმებას მიაღწია და მას ხელფასის სახით წელიწადში 1.8 მილიონ ევროს დაჰპირდა.
"შავ-წითლების" ბოსები "ატალანტას" წარმომადგენლებსაც ესაუბრნენ და სატრანსფერო თანხად 28 მილიონი ევრო შესთავაზეს.
კესიეს, რომელსაც სერია ა-ს მიმდინარე გათამაშებაში 27 მატჩში 6 გოლი აქვს გატანილი, ლონდონის "ჩელსი" და "რომაც" ეპატიჟებიან.