მოფარიკავეთა 23 წლამდე გუნდმა ისტორია დაწერა და ევროპის ჩემპიონი გახდა
Aa
Aa

მოფარიკავეთა 23 წლამდე გუნდმა ისტორია დაწერა და ევროპის ჩემპიონი გახდა

23-წლამდელთა შორის ევროპის ჩემპიონატზე საქართველოს მოფარიკავეთა ნაკრები ხმლით ფარიკაობაში გამარჯვებული გახდა.

საქართველოს ნაკრებმა ფინალში იტალია ანგარიშით 45:36 დაამარცხა.

ახალგაზრდა ქართველმა მოფარიკავეებმა, დამოუკიდებელი საქართველოს ისტორიაში პირველად, 23-წლამდელებს შორის ხმლით ფარიკაობაში გუნდური ჩემპიონატი მოიგეს.

ბელორუსის დედაქალაქ მინსკში მიმდინარე ევროპის ახალგაზრდული პირველობის 1/2-ფინალში ქართველმა მოფარიკავეებმა რუსეთის 23-წლამდელთა ნაკრები ანგარიშით 45:41 დაამარცხეს და ზედიზედ მეორედ შეძლეს ფინალში გასვლა. 

რუსეთის დამარცხებამდე, ქართველმა მოფარიკავეებმა ბულგარეთს 45:34 და რუმინეთს 45:31 მოუგეს. 

საქართველოს 23-წლამდელთა ნაკრები ხმლით ფარიკაობაში ევროპის ჩემპიონატზე ასეთი შემადგენლობით ფარიკაობდა: მიხეილ მარდალეიშვილი, საბა სულამანიძე, ნიკა შენგელია, ვაჟა რეჭია.

შეგახსენებთ, რომ 2016 წელს საქართველოს ხმლით მოფარიკავეთა ნაკრები დამოუკიდებელი საქართველოს ისტორიაში პირველად გავიდა ევროპის 23-წლამდელთა ჩემპიონატის ფინალში, სადაც რუსეთთან 38:45 დამარცხდა და ვიცე-ჩემპიონის ტიტული მოიპოვა.

ცხელი ამბები