სერენა უილიამსი ფეხმძიმედაა
ამერიკელმა ჩოგბურთელმა სერენა უილიამსმა საკუთარი ფეხმძიმობის შესახებ გამოაცხადა. ეს ინფორმაცია გაავრცელა Sports Illustrated-მა გაავრცელა და მოგვიანებით, CNN-მაც დაადასტურა.
35 წლის უილიამსმა Snapchat-ში თავის გვერდზე დადო ფოტო წარწერით - "20 კვირა". ჩოგბურთელს აშკარად ეტყობა გამობერილი მუცელი.
2016 წლის დეკემბერში, სერენამ გამოაცხადა ნიშნობის შესახებ ამერიკელ ინტერნეტ-მეწარმესთან ალექსის ოგანიანთან. ჩოგბურთელის საქმრო Reddit-ის ერთ-ერთი დამფუძნებელია.
სერენა უილიამსი ბოლოს კორტზე იანვარში ვიხილეთ, როცა მან ავსტრალიის ღია პირველობა მოიგო და "დიდი სლემის" ტურნირებზე მოგებების რაოდენობით რეკორდსმენი გახდა.
