დანი ალვეში: "შანსები 60:40-ზეა"
"იუვენტუსის" ბრაზილიელმა მცველმა, დანი ალვეშმა, "ბარსელონასთან" მოახლებულ მატჩზე, ჟურნალისტებთან ისაუბრა.
"ჩემთვის აქ დაბრუნება განსაკუთრებულ ემოციებს უკავშირდება. "ნოუ კამპზე" კიდევ ერთხელ თამაში დიდი სიამოვნებაა.
ვფიქრობ, გასვლის შანსი 60% გვაქვს. არავითარ შემთხვევაში დაცვითი ფეხბურთი არ უნდა ვითამაშოთ, პირიქით გოლის გატანაზე უნდა ვიზრუნოთ.
რა თქმა უნდა, "ბარსას" ჩემ გულში თავისი კუთხე აქვს, თუმცა დღეს მხოლოდ შემდეგ ეტაპზე გასვლაზე ვფიქრობ". - აცხადებს ბრაზილიელი.
დანი ალვეში "ბარსელონას" შემადგენლობაში 2008-2016 წლებში თამაშობდა და მასთან ერთად 23 ტიტულის მოგება შეძლო.
