კონტამ კარიერის პირველი დიდი ტიტული მაიამიში მოიპოვა

წლის რიგით მეორე მასტერსის სერიის ტურნირი, ტრადიციულად, მაიამიში ჩატარდა და ქალტა შორის მისი გამარჯვებული ბრიტანელი იოჰანა კონტა გახდა. 

კონტასთვის ეს პირველი სერიოზული ტიტულია, რომელმაც 1000 სარეიტინგო ქულა მოუტანა, რამაც საშუალება მისცა მსოფლიო რეიტინგში 4 ადგილით აღზევებულიყო და იგი დღეიდან მსოფლიოს მე-7 ჩოგანია (ეს მისთვის კარიერის საუკეთესო სარეიტინგო მაჩვენებელია). 

25 წლის კონტამ ფინალურ შეხვედრაში დანიელი კაროლინ ვოზნიაცკი საკმაოდ დამაჯერებლად, 6:4 6:3 დაამარცხა.