დე ბურმა ჰოლანდიის ნაკრების გაწვრთნა იუარა
ამსტერდამის "აიაქსისა" და იტალიური "ინტერის" ყოფილმა მწვრთნელმა, ფრანკ დე ბურმა, რომელიც ამჟამად ფეხბურთისგან ისვენებს, ჰოლანდიის ნაკრების გაწვრთნაზე უარი თქვა.
როგორც დე ბურის ერთ-ერთმა წარმომადგენელმა, გუიდო ალბერსმა განაცხადა, ფრანკს ამ ეტაპზე სანაკრებო ფეხბურთში მოღვაწეობა არ სურს და მომავალი სეზონიდან საკლუბო ფეხბურთში ჩაბმას აპირებს.
ისე კი გეტყვით, რომ დე ბური 2008-2010 წლებში ჰოლანდიის ნაკრებში უკვე მუშაობდა. ის ბერტ ვან მაარვიკის ასისტენტი გახლდათ.
შეგახსენებთ, რომ გასულ კვირას "ნარინჯირფერთა" თავკაცის პოსტიდან დენი ბლინდი გაათავისუფლეს და ამ ეტაპზე ნაკრების დროებითი მწვრთნელი ფრედ გრიმია.