როჯერ ფედერერის მორიგი ტიტული
ინდიან უელსის ტურნირის 2017 წლის გამარჯვებული როჯერ ფედერერი გახდა.
მან ფინალურ შეხვედრაში თანამემამულე სტენ ვავრინკა 6:4 7:5 დაამარცხა.
"მხიარულმა როჯერმა" ეს ტურნირი მეხუთედ მოიგო, ხოლო კარიერაში ATP-ს 90-ე ტიტულს დაეუფლა.
ამ გამარჯვებით 35 წლის ფედერერი გახდა ყველაზე ასაკოვანი ჩოგბურთელი, ვინც მასტერსის სერიის ტურნირის მოგება შეძლო. აქამდე ეს რეკორდი ანდრე აგასის ეკუთვნოდა, რომელმაც ცინცინატის ტურნირი 34 წლის ასაკში მოიგო.