ბასილაშვილმა კლიჟანი დაამარცხა და 1/2 ფინალში დიმიტროვს შეხვდება!

ქართველი ჩოგბურთელი ნიკოლოზ ბასილაშვილი, სოფიაში მიმდინარე GARANTI KOZA SOFIA OPEN-ზე, 1/2 ფინალში გავიდა.

ნიკოლოზმა 1/4 ფინალურ სტადიაზე, მსოფლიოს 36-ე ჩოგანი, სლოვაკი მარტინ კლიჟანი, 3 სეტში დაამარცხა. 

შეხვედრის პირველ სეტში ბასილაშვილი საშინლად გამოიყურებოდა და პარტია 0:6 წააგო, თუმცა მებრძოლი ხასიათი კიდევ ერთხელ აჩვენა და დარჩენილი 2 სეტი 6:3 6:3-ზე აიღო, რითაც ტურნირის 1/2 ფინალში გრეგ დიმიტროვზე გავიდა.

დიმიტროვი ამჟამად მსოფლიო რეიტინგში 13 პოზიციას იკავებს, პლიუს ამას, ტურნირი მის სამშობლოში იმართება.

შეხვედრა ხვალ ჩატარდება და ის თბილისის დროით ზუსტად 20 საათზე დაიწყება.