ბასილაშვილმა მსოფლიოს მე-8 ჩოგანი, დომინიკ ტიმი დაამარცხა!
ბულგარეთის დედაქალაქ სოფიაში მიმდინარე GARANTI KOZA SOFIA OPEN-ზე, რომელიც 250-იანთა კატეგორიას მიეკუთვნება, ნიკოლოზ ბასილაშვილმა 1/8 ფინალურ შეხვედრაში, მსოფლიოს მე-8 ჩოგანი, ავსტრიელი დომინიკ ტიმი დაამარცხა.
თამაში ცენტრალურ კორტზე ჩატარდა და ის ქართველის უპირატესობით წარიმართა, რაზეც ისიც მეტყველებს, რომ მის მოწოდებაზე ავსტრიელს ბოლო გეიმამდე ბრეიკ-პოინტიც არ ჰქონია.
ორივე პარტიის ბედი ერთადერთმა ბრეიკმა გადაწყვიტა და საბოლოო ჯამში ბასილაშვილმა 6:4 6:4 იმარჯვა.
1/4 ფინალში ნიკოლოზის მეტოქე, სლოვაკი მარტინ კლიჟანი იქნება.
24 წლის ქართველმა მსოფლიო რეიტინგის ზედა ათეულის წევრი კარიერაში მეორედ დაამარცხა. მან გასული წლის შემოდგომაზე, ვენის ტურნირზე, ტომაშ ბერდიხს აჯობა.