რონალდუმ "რეალის" გულშემატკივრებს სიტყვიერი შეურაცყოფა მიაყენა!
როგორც მოგეხსენებათ, გუშინ საღამოს ესპანეთის ჩემპიონატის მორიგი ტურის შეხვედრაში, მადრიდის "რეალმა" საკუთარ მოედანზე "სოსიედადი" მიიღო და მეტოქე საკმაოდ ადვილად, 3:0 დაამარცხა.
აღნიშნულ მატჩში თავის გამოჩენა კრიშტიანუ რონალდუმაც მოახერხა, თუმცა როგორც ჩანს, ამ ფაქტმა პორტუგალიელსა და "სამეფო გუნდის" გულშემატკივართა შორის, ბოლოდროინდელი დაძაბული ურთიერთობა ვერ გამოასწორა.
პირიქით, როგორც ესპანური ინტერნეტ-გამოცემა "Sport" იუწყება, რონალდუმ მოედანზე მისულ მაყურებელს სიტყვიერი შეურაცყოფაც კი მიაყენა!
მას შემდეგ, რაც პორტუგალიელმა ერთ-ერთ სათამაშო ეპიზოდში ბურთი დაკარგა, მაყურებლებმა მას სტვენა დაუწყეს, რის შემდეგაც პორტუგალიელმა ნერვები ვერ მოთოკა და მათ ბო***ის შვილები უწოდა!
კლუბის მხრიდან აღნიშნულ ფაქტს ჯერჯერობით გამოხმაურება არ მოჰყოლია, თუმცა "რეალის" გულშემატკივრებსა და რონალდუს შორის რომ ურთიერთობა უკიდურესად დაძაბულია, ეს ფაქტია...
შეგახსენებთ, რომ რამდენიმე კვირის წინ მადრიდულმა გამოცემა marca-მ "რეალის" გულშემატკივართა შორის გამოკითხვა ჩაატარა, რომლის შედეგებითაც მათმა 85%-მა რონალდუს კარიერის ჩინეთში გაგრძელება ურჩია.
მომზადებულია sport.es-ის მიხედვით