რონალდუს ესპანეთის ჩემპიონატის ისტორიაში ყველაზე მეტი პენალტი დაუგროვდა!

როგორც მოგეხსენებათ, გუშინ ესპანეთის ჩემპიონატის ცენტრალურ შეხვედრაში, მადრიდის "რეალი" სტუმრად "სევილიას" დაუპირისპირდა და მიმდინარე სეზონში პირველი მარცხი იწვნია (2-1).

"სამეფო გუნდის" რიგებიდან, ერთადერთი გოლი კრიშტიანუ რონალდუმ გაიტანა, რომელმაც კარვახალზე დანიშნული "თერთმეტმეტრიანი" ზუსტად შეასრულა. ეს კი, პორტუგალიელისთვის "ლა ლიგაში" გატანილი 56-ე პენალტი გალდათ, რითაც იგი უგო სანჩესს გაუთანაბრდა. რონალდუს "რეალის" მაისურით სულ 63 თერთმეტმეტრიანი აქვს შესრულებული, საიდანაც მხოლოდ 7 გააცუდა. ხოლო კარიერის განმავლობაში კრიშტიანუს, ყველა გუნდის მაისურით სულ 70 პენალტი აქვს გატანილი.

მთლიანად, ესპანეთის ჩემპიონატის საუკეთესო პენალტისტთა ხუთეული კი ასე გამოიყურება:

 

1. კრიშტიანუ რონალდუ  -  56 პენალტი

2. უგო სანჩესი  -  56 პენალტი

3. რონალდ კუმანი  -  46 პენალტი

4. ლიუბოსლავ პენევი  -  43 პენალტი

5. ლიონელ მესი  -  42 პენალტი