sports.ru-ს ჩანახატი ნოდარ ქუმარიტაშვილზე...

სიახლე 15.12.2016
A+ A- 20:24

2010 წლის ზამთრის ოლიმპიადა წუთიერი დუმილით გაიხსნა... ზამთრის ოლიმპიადების ისტორიაში მე-4 ადამიანმა დაკარგა სიცოცხლე და ის... ქართველი ნოდარ ქუმარიტაშვილი იყო...

ოფიციალური ვერსიით, 12 თებერვლის ტრაგედია, არა ტრასის გაუმართაობას, არამედ მოციგურავის შეცდომას მოყვა, რომელმაც მოსახვევში არასწორი შესვლის გამო, მართვა დაკარგა და 143.3 კმ/სთ სიჩქარით მოძრავი ციგა - ტრასის ბორტს, ხოლო ციგიდან გადმოვარდნილი ქუმარიტაშვილი, იქვე არსებულ ლითონის კონსტრუქციას შეეჯახა. ქართველი მოციგურავე 21 წლისა იყო.

ტრასის გაუმართაობა შემთხვევით არ გვიხსენებია. ამავე მოსახვევში, 2 გზის ოლიმპიური ჩემპიონი, იტალიელი არმინ ცოგელერი და რუმინელი ვიოლეტა სტრამატურარუ, სიკდვილს ბეწვზე გადაურჩნენ...

პოპულარულმა რუსულმა ვებ-გვერდმა sports.ru-მ დაღუპულ სპორტსმენზე საინტერესო და ემოციური ჩანახატი შემოგვთავაზა, რომელსაც ოდნავი ცვლილებით ქვემოთ წაიკითხავთ.

 

ბაკურიანში ნოდარ ქუმარიტაშვილის სახელობის ქუჩაზე არის ერთი სახლი, სადაც დღესაც გლოვაა... კარი შევაღეთ. ოჯახის უფროსმა, დავით ქუმარიტაშვილმა გულიანად შეგვიპატიჟა. ლამაზად გაწყობილ ქართულ სუფრასთან დავსხედით და სევდიან თემაზე ლაპარაკს შევუდექით.

ბატონ დავითს შვილის ბოლო კადრები არ უნახავს და ამის გაკეთებას არც აპირებს. იგი ნოდართან უკანასკნელ საუბარს იხსენებს:

„ხშირად ვუყურებდი სხვადასხვა საინფორმაციოებს, რომლებშიც სპორტსმენები „უისტლერის“ ტრასაზე საუბრობდნენ და მას საშინელს უწოდებდნენ. ორგზის ოლიმპიურ ჩემპიონ არმინ ცოგელერს ავარია დაახლოებით იმ ადგილას მოუვიდა, სადაც ნოდარი დაიღუპა. ცოგელერმა რეაგირება მოასწრო და ციგიდან დროულად გადმოხტა წინააღმდეგ შემთხვევაში, მასაც იგივე ელოდა, რაც ნოდარს. როცა ჩემ შვილს ბოლოს ტელეფონით ველაპარაკე ვუთხარი, რომ ტრასა 100%-ით მზად არ იყო და დიდი სიჩქარის შემთხვევაში მუხრუჭი გამოეყენებინა, რაზეც მიპასუხა: „უნდა გავრისკო. ნუ ნერვიულობ, ყველაფერი კარგად იქნება“...

კითხვაზე თუ რატომ არ იჩივლა ტრასის გაუმართაობაზე, ბატონი დავითი ასე პასუხობს:

„მხოლოდ ღმერთმა იცის რეალურად რა მოხდა. ყინულზე სულ მცირე ნახვრეტიც საკმარისია დიდი პრობლემებისთვის. ის კი ვიცი, რომ იმ ტრასაზე ვარჯიშზე არაერთმა ცნობილმა სპორტსმენმა თქვა უარი. დაზუსტებით შემიძლია გითხრათ, რომ ტრაგედიის წინა ღამეს, არსებული უწესივრობების გამო, სპეციალური სამუშაოები მიმდინარეობდა და ამის დამადასტურებელი ფოტოებიც არსებობს“.

ბატონ დავითს დავემშვიდობეთ. იმ შავებით შემოსილი ქალბატონის სევდიანი სახე კი, რომელმაც მეუღლის თხოვნით უგემრიელესი სუფრა გააწყო, არასდროს დამავიწყდება...

ნოდარ ქუმარიტაშვილი საქართველოში რამდენიმე დღეში გადაასვენეს. 20 თებერვალს კი მშობლიური ბაკურიანის ეკლესიის ეზოში დაკრძალეს. იქვეა სპორტსმენის ბრინჯაოს ქანდაკებაც.

საქართველოში ის ემახსოვრებათ...

 

მოამზადა ირაკლი ფოფხაძემ 

ესპანურ, განსაკუთრებით კატალონიურ პრესაში არსებობს ფრაზა, რომლის მიზანიც ზინედინ ზიდანის სამწვრთნელო საიდუმლოების აღწერაა. მეორე საკითხია რამდენად არს...

„ბარსელონაში“ დიდი ცვლილებები იგეგმება. ანდრეს ინიესტას წასვლის შემდეგ კლუბს რამდენიმე ტრანსფერის განხორციელება მოუწევს, რომ შემადგენლობა ...

ჩემპიონთა თასის ნახევარფინალის პირველ შეხვედრაში „ბაიერნთან“ 4-1 დამარცხების შემდეგ ატირებული ხუანიტო პრესკონფერენციაზე იჯდა და საკუთარ თა...

"ლივერპულსა" და "რომას" შორის, "ჩემპიონთა ლიგის" ნახევარფინალური ეტაპის პირველი შეხვედრა „ენფილდზე“ გაიმართება. ამ ორი დიდი ისტორიის მქონე...

რთულია „სან ანტონიოს“ გულშემატკივარმა „გოლდენ სტეიტის“ დიდებაზე წერო, მითუმეტეს ახლა, როდესაც ფლეი-ოფში „სპურსი“ 2...

ფეხბურთის ისტორიაში უამრავი დიდებული ფორვარდი გვინახავს, რომლებიც თავიანთი გოლებით ქომაგებს უდიდეს სიხარულს ანიჭებდნენ. დღეს, თქვენს ყურადღებას მცველე...

„დონ პაბლო“ ისტორიაში ყველაზე მდიდარი კრიმინალი იყო. მისი თავგადასავლების განხილვა საკმაოდ შორს წაგვიყვანს, თუმცა ერთი რამ დანამდვილებით შ...

11) პარტიზანი - ქპრ 1984/85 (2-6, 4-0) უეფას თასზე „ქუინს პარკ რეინჯერსმა“ ბელგრადის „პარტიზანს“ „არსენალის“ იმჟამ...

"ჩემპიონთა ლიგის" მეოთხედფინალის პირველ შეხვედრაში "ლივერპულმა" "სიტი" 3-0 გაანადგურა და განმეორებითი მატჩის წინ სერიოზული უპირატესობა მოიპოვა. ყველა ...

რეკომენდებული ბლოგები
ესპანურ, განსაკუთრებით კატალონიურ პრესაში არსებობს ფრაზა, რომლის მიზანიც ზინედინ ზიდანის სამწვრთნელო საიდუმლოების აღწერაა. მეორე საკითხია რამდენად არს...
23.05.2018
უკანასკნელი სიახლეები