„კლივლენდი“ და „ვაშინგტონი“ ნახევარფინალში არიან
“ბოსტონმა” შინ “კავალიერსთან” მეოთხე მატჩი 93:101 წააგო. “კლივლენდში” ლებრონ ჯეიმსი გამოირჩა, რომელმაც გუნდს 27 ქულა, 10 მოხსნა და 8 პასი შესძინა. დევიდ ბლატის შეგირდებმა სერია მშრალზე 4:0 მოიგეს. მათი მეტოქე აღმოსავლეთ კონფერენციის ნახევარფინალში “ჩიკაგო”- “მილუოკის” წყვილში გამარჯვებული იქნება.
“სან ანტონიო” საკუთარ დარბაზში “კლიპერსს” დაუპირისპირდა და ვერც ერთი პერიოდის მოგება მოახერხა. საბოლოოდ კი, ლოს ანჯელესურმა კლუბმა 114:105 იმარჯვა და სერიაში ანგარიში 2:2 გახადა. მატჩში ყველაზე მეტი 34 ქულა კრის პოლმა ჩააგდო. საუცხოოდ ითამაშა ბლეიკ გრიფინმა, რომელსაც სამმაგ დუბლამდე 3 პასი დააკლდა (20 ქ. 19 მ. 7 პ.). სერიის მეხუთე მატჩი ტეხასში 1 მაისს გაიმართება.
“ვაშინგტონმა” “ტორონტოს” მეოთხე შეხვედრაც მოუგო 125:94 და კონფერენციის ნახევარფინაში გავიდა, სადაც “ატლანტა” - “ბრუკლინის” წყვილის გამარჯვებულს შეხვდება.
ტეხასურ დერბიში “დალასმა” “ჰიუსტონი” 121:109 დაამარცხა. მატჩი გადამწყვეტი მეორე პერიოდი აღმოჩნდა, რომელიც “მავერიკსმა” 36:19 მოიგო. გუნდს მონტა ელისმა 31 ქულით ულიდერა. “ჰიუსტონში” 24 ქულით ჯეიმს ჰარდენი გამოირჩა. სერიის მეხუთე მატჩი 29 აპრილს ჰიუსტონში გაიმართება.