ზიდანმა ისტორიული რეკორდი გაიმეორა!
"რეალის" თავკაცმა ზინედინ ზიდანმა, კლუბის ისტორიაში თავისი სახელი კიდევ ერთი კუთხით ჩაწერა.
მისი ხელმძღვანელობით "სამეფო კლუბი" უკვე 34 ოფიციალური მატჩია არ აგებს, რაც ლეო ბეენჰაკერის 1988-1989 წელს დამყარებული რეკორდის გამეორებაა.
ლეგენდარული ჰოლანდიელის თავოსნობით, მადრიდული გრანდი 1988 წლის 2 ოქტომბრიდან, მომავალი წლის 9 აპრილამდე არ მარცხდებოდა.
ხოლო "ზიზუს" გუნდმა 6 აპრილს "ვოლფსბურგთან" მატჩის შემდეგ არ იცის მარცხის სიმწარე.
მომავალ უქმეებზე "რეალი" საკუთარ მოედანზე "დეპორტივოს" მასპინძლობს და დიდი ალბათობით, "ბლანკოსის" დამრიგებელი რეკორდს გააუმჯობესებს და მისი ერთადერთი მფლობელი გახდება.
მომზადებულია AS.COM-ის მიხედვით