ჯოკოვიჩი ბეკერს დაემშვიდობა
მსოფლიოს ყოფილმა პირველმა ჩოგანმა, ნოვაკ ჯოკოვიჩმა, ბორის ბეკერთან 3 წლიანი თანამშრომლობა შეწყვიტა.
"მინდა ბორისს მადლობა გადავუხადო თანამშრომლობისთვის, საჭირო რჩევებისა და მხარდაჭერისათვის. მასთან ერთად მუშაობა დიდი პატივი იყო". - ეს ჯოკოვიჩის კომენტარია.
ამ თემაზე თავად ლეგენდარულმა გერმანელმაც ისაუბრა.
"3 წლის წინ რომ გეთქვათ, ჩვენ ერთად 6 დიდი სლემის ტურნირს მოვიგებდით და ამ ხნის მანძილზე ნოვაკი დომინანტი ჩოგბურთელი იქნებოდა, ალბათ არ დაგიჯერებდით. ამიტომაც, მასთან თანამშრომლობით მოხარული ვარ". - დასძინა "გრანდ სლემების" 6 გზის ჩემპიონმა ბეკერმა.
ამიერიდან, ჯოკოვიჩი მომზადებას მხოლოდ მარიან ვაიდასთან ერთად გააგრძელებს, რომელიც "ნოლეს" გუნდში 2006 წლიდანაა.
მომზადებულია bbc.com-ის მიხედვით