ლაპადულა: "გამარჯვება გუნდის დამსახურებაა"
"მილანის" თავდამსხმელმა, ჯანლუკა ლაპადულამ, რომელმაც დღეს "კროტონესთან" საკუთარ გუნდს გამარჯვება 86-ე წუთზე გატანილი გოლით მოუტანა, მატჩის შემდეგ ჟურნალისტებთან მოკლედ ისაუბრა.
"მოგება გუნდის დამსახურებაა, რადგან ბიჭებმა უდიდესი სამუშაო გასწიეს და გამარჯვება დაიმსახურეს. მე კი, გამიმართლა, რომ საჭირო დროს საჭირო ადგილას აღმოვჩნდი". - დასძინა ლაპადულამ.
"მილანის" მე-9 ნომერს მიმდინარე სერია ა-ში უკვე 4 გოლი აქვს გატანილი.
26 წლის ლაპადულა "როსონერიში", სეზონის დაწყებამდე "პესკარადან" გადავიდა. შეგახსენებთ იმასაც, რომ იგი ჯამპიერო ვენტურამ ცოტა ხნის წინ იტალიის ნაკრებშიც გამოიძახა, თუმცა სათამაშო დრო არ მიუცია.
მომზადებულია acmilan.com-ის მიხედვით
