ქართველი მორაგბე მეტოქის კბენისთვის 6 კვირით დასაჯეს
უელსური „კარდიფ ბლუზის“ ქარველი მორაგბე, ანტონ ფეიქრიშვილი, უელსის რაგბის კავშირის სადისციპლინო კომიტეტის გადაწყვეტილებით, 6 კვირის მანძილზე დისკვალიფიცირებული იქნება.
29 წლის ფეიქრიშვილი, 18 ნოემბერს ანგლო-უელსურ თასზე „ოსპრიზის“ წინააღმდეგ გამართულ მატჩში წითელი ბარათით გააძევეს - მსაჯმა მას, მეტოქის კბენაში დასდო ბრალი.
აღსანიშნავია, რომ ქართველი ბურჯისთვის აღნიშნული შეხვედრა კარდიფელთა რიგებში მეორე იყო. მას თავის ახალ გუნდთან მოკლევადიანი კონტრაქტი აკავშირებს.
ფეიქრიშვილს დისკვალიფიკაციის ვადა იანვრის მეორე ნახევარში ამოეწურება.
