ბასილაშვილი ასეულთან ერთ ნაბიჯშია
24 წლის ქართველი ჩოგბურთელი ნიკოლოზ ბასილაშვილი, მსოფლიო რეიტინგში 6 ადგილით დაწინაურდა და ამჟამად 101-ე პოზიციას იკავებს.
31 ოქტომბრის მონაცემებით, ბასილაშვილის აქტვიში 610 სარეიტინგო ქულაა და მე-100 ადგილზე მყოფ იაპონელ ტარო დანიელს მხოლოდ 1 ქულით ჩამორჩება. აღსანიშნავია ისიც, რომ 98-ე ნომერ სანტიაგო ხირალდოსთან ქართველს სულ 3 ქულა აშორებს.
თუმცა საწყენია, რომ ჩვენმა თანამემამულემ გუშინ პარიზის "მასტერსის" კვალიფიკაციის ბოლო ეტაპი ვერ დაძლია და ამ კვირაში ქულების დაგროვების შანსი აღარ ექნება.