Daily Mail: "იუნაიტედში" პოგბას ხელფასი და მაისურის ნომერი ცნობილია!
პოლ პოგბას "მანჩესტერ იუნაიტედში" გადასვლა, გადაწყვეტილი ამბავია.
ბრიტანული გამოცემის, Daily Mail-ის თქმით, ფრანგი ახალ გუნდში ხელფასის სახით, კვირაში 290 ათას გირვანქა-სტერლინგს აიღებს, რაც წელიწადზე გაანგარიშებით 13.5 მილიონი გირვაქნა-სტერლინგია, ეს კი, სადღეისო მონაცემებით, დაახლოებით, 15.5 მილიონ ევროს უტოლდება.
იმავე Daily Mail-ზე დაყრდნობით, შეგვიძლია ვთქვათ, რომ პოგბა ახალ გუნდში 6 ნომრიანი მაისურით ითამაშებს.
შეგახსენებთ, რომ ბოლო კვირებში ეს თემა აქტიურად განიხილებოდა და პრესა აბსოლუტურად ლოგიკურად ვარაუდობდა, რომ 6 ნომერს, "წითელი ეშმაკები" სწორედ პოგბასთვის ინახავდნენ.
მომზადებულია Daily Mail.co.uk-ის მიხედვით