ანდერსონმა და ისნერმა უიმბლდონის ახალი ისტორია დაწერეს - ყველაზე ხანგრძლივი მატჩი 1/2 ფინალში...

დიდი სლემის ტურნირებს შორის, უიმბლდონი უძველესი ტურნირია და იგი 1877 წლიდან მოყოლებული ტარდება. წლევანდელ გათამაშებაში კი ისტორიული რეკორდი დამყარდა და 1/2 ფინალური მატჩი 6 საათსა და 36 წუთს გაგრძელდა.

კევინ ანდერსონმა და ჯონ ისნერმა თამაში გადამწყვეტ პარტიამდე მიიყვანეს, რომელიც 2 საათსა და 55 წუთს გაგრძელდა, საბოლოოდ კი ანდერსონის გამარჯვებით - 26:24 დასრულდა.

მსოფლიო ჩოგბურთის ყველაზე ხანგრძლივი შეხვედრა, ასევე უიმბლდონზე ჩატარდა და მასშიც ჯონ ისნერი მონაწილეობდა. 2010 წელს, გიგანტმა ამერიკელმა და ფრანგმა, ნიკოლა მაიუმ გადამწყვეტი სეტი ანგარიშით - 70:68 დაასრულეს, რითაც ამ სპორტის ისტორიაში, ალბათ, სამუდამოდ შევიდნენ.

ამრიგად, 6 საათისა და 36 წუთი კორტზე ყოფნის შედეგად, ანდერსონმა და ისნერმა უმბლდონის ისტორიაში ყველაზე ხანგრძლივ ნახევარფინალურ მატჩში მიიღეს მონაწილეობა. თამაშის საბოლოო ანგარიშია - 7:6; 6:7; 6:7; 6:4; 26:24.

კევინ ანდერსონი დიდი სლემის ტურნირების ფინალში მეორედ გავიდა. მან გასული წლის ამერიკის ღია პირველობის გადამწყვეტი შეხვედრა, რაფა ნადალთან წააგო, რომელსაც, შესაძლოა, ახლაც დაუპირისპირდეს. ესპანელი მეორე ნახევარფინალში, ნოვაკ ჯოკოვიჩს ხვდება.